Lompat ke konten Lompat ke sidebar Lompat ke footer

Widget HTML #1

Empat atau Lima kah SIBAYAK di Taneh Karo ?

sibayak taneh karo
Foto : Karo Siadi (Yt)

Raja (Sibayak) si lit i Taneh Karo mulana empat ngenca. Sibayak siempat ras piga-piga Raja Urungna ngikutken sitersinget piga-piga perbapan si enggo ndekah umurna bagepe si tersurat emekap:

1. Kerajaan Sibayak Lingga

Merga Sibayakna Karo-karo Sinulingga, inganna tading i Kuta Lingga. Kerajaan Sibayak Lingga eme simbelinna i Taneh Karo, lit 6 Urungna emekap:
πŸ‘‰Urung XII Kuta ringan i Kabanjahe
πŸ‘‰Urung si III Kuru ringan i Lingga
πŸ‘‰Urung Naman ringan i Naman
πŸ‘‰Urung Tiga Pancur ringan i Tiga Pancur
πŸ‘‰Urung Teran ringan i Batukarang
πŸ‘‰Urung Tiganderket ringan i Tiganderket

2. Kerajaan Sibayak Sarinembah

Merga Sibayakna Sembiring Meliala, inganna tading i Kuta Sarinembah, lit 4 Urungna, emekap:
πŸ‘‰Urung XVII Kuta ringan i Sarinembah
πŸ‘‰Urung Perbesi ringan i Perbesi
πŸ‘‰Urung Juhar ringan i Juhar
πŸ‘‰Urung Kutabangun ringan i Kutabangun

3. Kerajaan Sibayak Suka

Merga Sibayakna Ginting Suka, inganna tading i Kuta Suka, lit 4 Urungna emekap:
πŸ‘‰Urung Suka ringan i Suka
πŸ‘‰Urung Sukapiring ringan i Seberaya
πŸ‘‰Urung Ajinembah ringan i Ajinembah
πŸ‘‰Urung Tengging ringan i Tengging

4. Kerajaan Sibayak Barusjahe

Merga Sibayakna Karo-karo Barus, inganna tading i Kuta Barusjahe, lit 2 Urungna emekap:
πŸ‘‰Urung si VII Kuta ringan i Barusjahe
πŸ‘‰Urung si VI Kuta ringan i Sukanalu

Jenari tersinget maka ibas kejerangen Kutabuluh Simole lit ringan sekalak Raja. Raja e sinursur Raja ka eme si ringan i Kutamale, mergana Perangin-angin. Raja sitersinget e tuhu-tuhu mbelin kuasana janah ia me ikuten ras penungkunen rayat si tading ije. Ia ngenca iakuina rajana, emaka dungna ia enggo irajaken jadi Sibayak Kutabuluh.

5. Kerajaan Sibayak Kutabuluh

Merga Sibayakna Perangin-angin, inganna tading i Kutabuluh, lit 2 Urungna emekap:
πŸ‘‰Urung Namohaji ringan i Kutabuluh
πŸ‘‰Urung Liangmelas ringan i Kuta Marding-ding

Copyright ©2001 Sibayak.Org
Editor :
Willem A Sinuraya